Awed At CdeO’s Progress, Davao Resident Writes to Mayor

A Davao resident who prefered to stay anonymous wrote a letter addressed to City Mayor Vicente “Dongkoy” Y. Emano. He/she wrote:

page-ear
Ako residente sa Davao nga miduaw sa inyong ciudad dili pa karon dugay. Gikan sa airport, nadani ang akong panan-aw sa bag-ong fly-over, nga gipintalan ug violet o purple, kun color de ube.

Alang kanako, nakahatag kinig dugang ka-anyag sa Cagayan de Oro. Apan pag-abut nako sa sa akong gisak-an, gi-ingnan ako sa tagbalay nga ang color kono sa fly-over nahimong controversial, tungod kay gibatok sa pipila ka lungsoranon.

Matud nila nga ang color de ube , patay kono ug nahimong traffic hazard kay dili maklaro ang fly-over sa gabii. Ang uban kono misupak tungod lang kay ang violet o purple imong favorite nga color, ug dili favorite sa kadaghanan.

Ang mga politiko adunay favorite nga mga color. Ato kining makita sa panahon sa kampanya. Pananglitan, ang kang Marcos – red, white and blue. Kang Estrada – red. Kang Villar – orange. Kang Aquino – yellow.

Ug matag color, adunay kahulogan. Ang pula, alang sa kaisug. Ang azul, alang sa kahusay. Ang puti (kay color man usab ang puti), alang sa kaputli. Ug ang dalag, kun yellow, nga maoy favorite nga color sa mga Aquino, alang sa pagka-talawan.

Nan, unsa may kahulogan sa color de ube? Mayor Emano, alang kanako, ang imong favorite color nga violet kun purple – maayong pagkapili. Kay sa kasaysayan sa kalibutan, ang purple gi-ila nga royal color – harianon nga color.

Ug alang kanako, ang paggamit niini nga color sa mga dapit sa Cagayan de Oro, nagpaila nga ang ciudad ug ang mga molupyo niini – mga harianon. Kun dili sa salapi, hari-anon sa gawi – sa ilang kabubut-on, pamatasan, ug kinaiya. Labaw sa tanan nagpaila nga ang katawhan maoy haring lungsod, sumala sa principyo nga gisagop ug gipatunhay sa demokrasya.

Gumikan sa katawhan, ug ubos sa imong panglantaw ug liderato, ang Cagayan de Oro nahimong mauswagon. Dugay na man akong wala makaduaw sa inyong ciudad, ug karon sa akong paghibalik, natingala ako sa kusog nga pag-uswag niini.

Busa, dawata ang akong kinasingkasing nga pahalipay sa kauswagan nga inyong naangkon, ug hinaut nga kini magpadayon sa kanunay.

Usa ka bisita nga dili magpa-ila

Source: Ang Kamatuoran Marso 1, 2012 (Taga-Davao mipahalipay ni Emano sa kauswagang naangkon sa CdeO)


purple-bridge
Advertisements

3 thoughts on “Awed At CdeO’s Progress, Davao Resident Writes to Mayor

  1. TRUE. there’s nothing wrong with a purple colored fly over. back in manila, when BAYANI FERNANDO was still the MMDA CHAIRMAN, he painted almost all of the overpass with pink.. TO THE DETRACTORS of Mayor Emano, is it a slap to your faces if you saw the undeniably booming economy of CdeO? oh well, if you guys are anti-developments then we don’t need you. if you guys are composed of hundreds of haters, oh well, we are THOUSANDS of supporters. MATA na CdeO? oh well, KAGAY-ANONS has always been AWAKE, ALERT and ACTIVE..kung ang pagtan.aw sa sayop sa tao ang inyohang trabaho, tan.awa sd inyong kaugalingon ug unsa mo ka tarong. BEFORE YOU POINT FINGERS TO OTHERS, MAKE SURE YOUR HANDS ARE CLEAN. CdeO will always be the CITY OF GOLDEN FRIENDSHIP AND GOLDEN OPPORTUNITIES… dili kanang malimong nga kamatuoran nga ang pag-uswag sa atong dakbayan, paspas ug mosamot pa ug pagl.lig-on.. instead of bickering, criticizing throwing negative comments on Mayor Emano, mypag mo tabang mo. tabang nga walai pag ihap ug wlai pag kwenta. Dghan kaayo ta ug dapat matun-an sa atong gi-agian nga dilubyo, isa na dha mao ang PAGTINABANGAY…

  2. comment lng noh? can you provide a printed copy of the letter? kasi feeling ko hindi tga davao ang sumulat ng letter na to. and i feel na propaganda lng to.. no offense meant but really, the writing was so un-davao.. hindi ganyan kalalim mag bisaya ang mga taga davao. and gipabasa ko to sa lolo ko sabi nya gnyan language sa Cebu because he used to live sa cebu.. Just wan’t to know what’s real behind this so obvious propaganda..

    please give proofs.. scan the letter or just take a picture of it.. just a concerned citizen.

Comments are closed.